الميلاد

ربّي كرمالي تجسّد

من العدرا اللي صارت إمّ!

ومن روحو لإلنا تقصّد

يرافقنا وما يترك همّ

بقلب مغارا صغيري

بيّن ألله للإنسان

ومع إنّا الدنيا كبيري

ما ساعت إبن الإنسان

هيدي لمغارا إلنا

منارة حبّ وإيمان

لحتّا القلب لعنّا

ما ينقص خير وحنان

يا هالطفل اللي جايي

لتزيّن بيوت الناس

عملّك كرمالي آيي

وزدلا  بقلوبا الإحساس

 بميلادك ربّي يسوع

بتحلا الدنيي اللي خلقتا

ومش رح يِفنَى بقلبي الجوع

للقرباني اللي سكنتا

والكلمي اليوم الإنجيل

للناس تركتا مرايي

لحتّا ما قلبا يميل

وتنسى جوهر لحكايي

حكاية حبّك يا ألله

لشعشع سمانا بلون

الفدا لكلّ اللي صلّا

ليضلّ المعنى لهالكون

ولكلّ لنسيو حَكيَك

إنت اليوم بقلبُن عيد

وْصيّي لي تركتا بحبّك

حتى يِكْمَل معنى العيد!