بعيد البربارة

بعيد البربارة

بعمر زغير تعوّدنا
ننطر ناس بوجّ جديد
بعيد القدّيسة لإلنا
صارت رمز بعهد جديد

بعيدك برباره كبرنا
نشيل وجوه نحطّ وجوه
إلّا الوجّ الّلي نكرنا
ما تركنالو إلّا يتوه

وجّك يا ربّي علينا
كتير خطينا بحقّ و بيوم
لغفران لفاض علينا
رفضنا وصار علينا اللوم

يا برباره اللي شهدتي
للربّ الفادي-الإنسان
خلينا بعيدك نهدِي
توبتنا لربّ الأكوان

كرمال عيونك جينا
وجوه البشعا عنّا نشيل
ونخلّي القلب لفينا
يدفق حب وخير يسيل

وان كان العادة بعيدك
نسلق قمح ونتحلّا
بهالعيد كرامة سيدك
عن بُعدو رح نتخلّا

وان كان القَطر بيلبق
لزلابي يكون رفيقا
لقلب لفينا رح يلزَق
بيسوع بكلّ دقيقا

وعهد علينا للكلمي
اللي صارت معنا عا طول
نخلّي كرمالو البسمي
لحضورو تشهد وتقول

الخوري نسيم قسطون
القبيات في 29 تشرين الثاني 2011

back to Pere Nassim Doc.