back to Pere Nassim Doc.

نحنا بعيد الإستقلال

نحنا بعيد الإستقلال

جينا نكتبلك قصّا

عن جندي نادر لقتال

تا بلادو تمحي الغصّا

ومن قلبو لدايمن عا شمال

خلّالك أحلى حصّا

يا لبنان اللي غالي

عا قلوب ولادك والكلّ

وشو سهرو بهل ليالي

تضلّا من فوق تطلّ

راية مجدك عا تلالي

وعن أرزك تحكي وما تملّ

كلّ الخبريّي بعيدك

قصّة مجد وعزّ بلاد

الحريّة سيف بإيدك

بتندهلك كلّ يوم ولاد

من يوم لبلّش صيتك

بتقدّم أبطال جداد

كتار كتير لمن قبلو

صارو قصّا بقلب كتاب

يا لبنان لمن قلبو

للدنيي موزّع أحباب

من سحرو وطيبة شعبو

تجمّعلو بكترة أصحاب

 أوعا يخطرلك خاطر

إن صارت صعبة الإيّام

تترك أرضك وتخاطر

جريمة والله حرام

لبنانك دايمن ناطر

يحقّقلك أحلى الأحلام

هيدا ليوم بيجمعنا

ولو كانت كتري الأديان

وكنّو ألله بيجمعنا

بيجمعنا متلو لبنان

وهوّي اليوم بيندهنا

تنضلّ صحاب وخلّان

الخوري نسيم قسطون
القبيات في 14 تشرين الثاني 2011

back to Pere Nassim Doc.